عالمی منڈی میں خام تیل کی قیمتوں میں معمولی کمی

 اسلام آباد( کامرس ڈیسک)عالمی منڈی میں خام تیل کی قیمتوں میں معمولی کمی دیکھی گئی ہے، تاہم مجموعی طور پر قیمتیں بدستور بلند سطح پر برقرار ہیں۔تفصیلات کے مطابق برینٹ خام تیل 108 ڈالرز فی بیرل کے قریب ٹریڈ کر رہا ہے، جبکہ متحدہ عرب امارات کا مربن خام تیل 106 ڈالرز فی بیرل کی سطح پر موجود ہے۔ غیر ملکی میڈیا رپورٹس کے مطابق ویسٹ ٹیکساس انٹرمیڈیٹ (WTI) خام تیل کی قیمت 100.6 ڈالرز فی بیرل ریکارڈ کی گئی ہے۔ماہرین کا کہنا ہے کہ آبنائے ہرمز میں جاری کشیدگی اور بحری نقل و حمل میں ممکنہ رکاوٹوں کے باعث عالمی منڈی میں خام تیل کی قیمتوں پر دباؤ برقرار ہے، جس کے نتیجے میں توانائی کی عالمی سپلائی چین بھی غیر یقینی صورتحال کا شکار ہے۔