مضاربہ فراڈ کیس کا فیصلہ: احتساب عدالت نے 7 ملزمان کو قید و 1.48 ارب روپے جرمانہ

کو ئٹہ( بلو چستان خبر)احتساب عدالت اسلام آباد نے نیب کے مفتی احسان الحق ریفرنس کا فیصلہ سناتے ہوئے مضاربہ کے نام پر مبینہ مالی فراڈ میں ملوث 7 افراد کو سزائیں سنا دی ہیں۔عدالت نے تمام ملزمان پر مجموعی طور پر 1.48 ارب روپے سے زائد جرمانہ بھی عائد کیا ہے۔فیصلے کے مطابق زبیر محمد خان کو 3 سال قید اور 24.82 کروڑ روپے جرمانہ، کاشف شہاب کو 3 سال قید اور 44.84 کروڑ روپے جرمانہ، جبکہ آصف شہاب کو 3 سال قید اور 47.46 کروڑ روپے جرمانہ سنایا گیا۔اسی طرح کامران اختر کو 2 سال قید اور 1.24 کروڑ روپے جرمانہ، محمد سلیمان کو 2.5 سال قید اور 14.74 کروڑ روپے جرمانہ، نعمان کو 2 سال قید اور 8.97 کروڑ روپے جرمانہ جبکہ عبداللہ لیاقت کو 2 سال قید اور 6.10 کروڑ روپے جرمانے کی سزا دی گئی۔رپورٹ کے مطابق تمام ملزمان کو 2013 میں اشتہاری قرار دیا گیا تھا جبکہ انہیں بعد ازاں 2023 میں گرفتار کیا گیا۔