شاہد آفریدی کا مولانا محمد ادریس ترنگزئی کی شہادت پر گہرے دکھ اور تعزیت کا اظہار

پشاور( بلو چستان خبر)قومی کرکٹ ٹیم کے سابق کپتان شاہد آفریدی نے ممتاز مذہبی شخصیت اور شیخ الحدیث مولانا محمد ادریس ترنگزئی کی شہادت پر گہرے دکھ اور افسوس کا اظہار کیا ہے۔سوشل میڈیا پر جاری اپنے بیان میں شاہد آفریدی نے کہا کہ مولانا محمد ادریس ترنگزئی ایک جید عالمِ دین اور علم و تقویٰ کی روشن مثال تھے، جن کی شہادت ایک بڑا سانحہ ہے۔انہوں نے مزید کہا کہ مرحوم کی علمی و دینی خدمات کو ہمیشہ یاد رکھا جائے گا، جبکہ امید ہے کہ واقعے میں ملوث عناصر جلد قانون کی گرفت میں آئیں گے۔شاہد آفریدی نے دعا کی کہ اللہ تعالیٰ مرحوم کے درجات بلند فرمائے اور ان کے اہل خانہ کو صبر جمیل عطا کرے۔