جنوبی بحیرہ چین میں کشیدگی میں اضافہ، فلپائن کی چینی جہازوں کے خلاف بحری کارروائی

فلپائن( مانیٹرنگ ڈیسک)فلپائن اور چین کے درمیان جنوبی بحیرہ چین میں سمندری کشیدگی ایک بار پھر بڑھ گئی ہے، جہاں فلپائن نے اپنی سمندری حدود میں موجود چینی جہازوں کو ہٹانے کے لیے بحری یونٹس تعینات کر دیے ہیں۔فلپائنی حکام کے مطابق یہ اقدام ملکی خودمختاری کے تحفظ اور متنازع علاقوں میں اپنی موجودگی کو مؤثر بنانے کے لیے کیا جا رہا ہے۔دوسری جانب چین کے بحری جہاز جنوبی بحیرہ چین کے مختلف حساس مقامات پر موجود ہیں، جہاں دونوں ممالک کے درمیان طویل عرصے سے سرحدی اور علاقائی تنازع جاری ہے۔ماہرین کے مطابق حالیہ پیش رفت اس خطے میں بڑھتی ہوئی کشیدگی کی عکاسی کرتی ہے، جہاں کئی ممالک سمندری حدود پر ملکیت کا دعویٰ رکھتے ہیں۔فلپائنی بحریہ نے کہا ہے کہ وہ صورتحال پر کڑی نظر رکھے ہوئے ہے اور کسی بھی ہنگامی صورتحال سے نمٹنے کے لیے مکمل طور پر تیار ہے، جبکہ عالمی برادری نے تنازع کے پرامن حل پر زور دیا ہے۔