بن قاسم ٹاؤن میں کوئلہ چوری کی کوشش ناکام، چار ملزمان گرفتار

کراچی( بلو چستان خبر) بن قاسم ٹاؤن پولیس نے کوئلہ چوری کی کوشش ناکام بناتے ہوئے چار ملزمان کو گرفتار کر لیا اور ان کے قبضے سے کوئلے سے بھرے دو ڈمپر بھی تحویل میں لے لیے۔پولیس کے مطابق کارروائی کے دوران گرفتار ملزمان میں جوگنو، حبدار علی، رحمت اللہ اور عین الدین شامل ہیں۔تفصیلات کے مطابق پولیس نے مختلف مقامات پر ناکے قائم کر رکھے تھے، جہاں کارروائی کرتے ہوئے ملزمان کو رنگے ہاتھوں گرفتار کیا گیا۔ گرفتار افراد ڈمپرز کے ذریعے کوئلہ چوری کر کے مختلف مقامات پر سپلائی کرنے کی کوشش کر رہے تھے۔پولیس حکام کا کہنا ہے کہ واقعے میں ملوث دیگر ساتھیوں کی گرفتاری کے لیے چھاپے مارے جا رہے ہیں، جبکہ گرفتار ملزمان کے خلاف مقدمہ درج کر کے مزید تفتیش شروع کر دی گئی ہے۔