ایران کا امریکی حملوں پر شدید ردعمل، حملو ں کو جارحیت قرار دے دیا

تہران( مانیٹرنگ ڈیسک) ایران کی وزارتِ خارجہ کے ترجمان اسماعیل بقائی نے امریکا کی جانب سے ایران پر کیے گئے حملوں کو سختی سے مسترد کرتے ہوئے انہیں جارحیت قرار دیا ہے۔انہوں نے امریکی مؤقف کو چیلنج کرتے ہوئے کہا کہ یہ کارروائیاں کسی صورت بھی دفاع یا سیلف ڈیفنس کے زمرے میں نہیں آتیں۔سماجی رابطے کی ویب سائٹ پر جاری بیان میں اسماعیل بقائی نے امریکی محکمہ خارجہ کی ایک دستاویز کا حوالہ دیا جس میں کہا گیا تھا کہ امریکا نے یہ کارروائی اپنے اتحادی اسرائیل کے اجتماعی دفاع اور اپنے حقِ دفاع کے تحت کی۔ایرانی ترجمان کے مطابق اس نوعیت کے اقدامات خطے میں کشیدگی کو مزید بڑھانے کا باعث بن رہے ہیں اور بین الاقوامی قوانین کی خلاف ورزی کے مترادف ہیں۔