پیٹرولیم مصنوعات کی قیمتوں میں ردوبدل، لائٹ ڈیزل مہنگا جبکہ مٹی کا تیل سستا

اسلام آباد( کامرس ڈیسک)حکومت نے ایک بار پھر پیٹرولیم مصنوعات کی قیمتوں میں ردوبدل کرتے ہوئے لائٹ ڈیزل مہنگا جبکہ مٹی کے تیل کی قیمت میں کمی کر دی ہے۔اوگرا کی جانب سے جاری نوٹیفکیشن کے مطابق مٹی کے تیل کی قیمت میں 4 روپے 45 پیسے کمی کی گئی ہے جس کے بعد نئی قیمت 360 روپے 76 پیسے فی لیٹر مقرر کی گئی ہے۔دوسری جانب لائٹ ڈیزل کی قیمت میں 17 روپے 3 پیسے فی لیٹر اضافہ کیا گیا ہے، جس کے بعد نئی قیمت 287 روپے 54 پیسے فی لیٹر ہو گئی ہے۔اس سے قبل گزشتہ شب بھی حکومت نے پیٹرول اور ہائی اسپیڈ ڈیزل کی قیمتوں میں اضافہ کیا تھا۔ نوٹیفکیشن کے مطابق ہائی اسپیڈ ڈیزل کی قیمت میں 19 روپے 39 پیسے اضافہ کیا گیا جس کے بعد نئی قیمت 399 روپے 58 پیسے فی لیٹر مقرر ہوئی۔اسی طرح پیٹرول کی قیمت میں 6 روپے 51 پیسے اضافہ کیا گیا، جس کے بعد پیٹرول کی نئی قیمت 399 روپے 86 پیسے فی لیٹر ہو گئی۔حکام کے مطابق یہ نئی قیمتیں یکم مئی رات 12 بجے سے نافذ العمل ہیں۔