قطر کی خطے میں کشیدگی کم کرنے اور مذاکرات کے ذریعے مسائل حل کرنے کی اپیل

دوحہ( مانیٹرنگ ڈیسک) قطر نے خطے میں بڑھتی ہوئی کشیدگی پر تشویش کا اظہار کرتے ہوئے فریقین سے بات چیت کے ذریعے مسائل حل کرنے کی اپیل کی ہے۔قطری وزارت خارجہ کے ترجمان کے مطابق تنازعات کے حل کے لیے مذاکرات کے دائرہ کار کو مزید وسیع کرنے کی ضرورت نہیں، بلکہ موجودہ سفارتی کوششوں کو مؤثر انداز میں آگے بڑھانا چاہیے۔ترجمان نے پاکستان کی خطے میں ثالثی کی کوششوں کو سراہتے ہوئے کہا کہ پاکستان اس عمل میں مثبت اور مؤثر کردار ادا کر رہا ہے۔انہوں نے واضح کیا کہ خطے میں تنازعات کا پائیدار حل صرف مذاکرات کی میز پر ہی ممکن ہے، اس لیے تمام فریقین کو سنجیدہ سفارتی عمل جاری رکھنا چاہیے۔