ایس سی او کا وادی اشکومن اور سانڈی میں فور جی نیٹ ورک فعال، دور افتادہ علاقوں میں ڈیجیٹل انقلاب کی نئی مثال قائم

وادی غذر( بلو چستان خبر) اسپیشل کمیونی کیشن آرگنائزیشن (ایس سی او) نے دشوار گزار پہاڑی راستوں کے باوجود وادی اشکومن اور سانڈی میں فور جی سروس فراہم کر دی ہے۔تفصیلات کے مطابق ضلع غذر کے دور افتادہ علاقوں میں ڈیجیٹل کنیکٹوٹی کی بہتری کے لیے ایس سی او کی جانب سے نیٹ ورک اپ گریڈیشن کا اہم منصوبہ مکمل کیا گیا ہے، جس سے مقامی آبادی کو تیز رفتار انٹرنیٹ کی سہولت حاصل ہو گئی ہے۔ایس سی او حکام کے مطابق اس اقدام کا مقصد رابطوں کو بہتر بنانا، تعلیم اور روزگار کے مواقع کو فروغ دینا اور دور دراز علاقوں کو ڈیجیٹل دنیا سے جوڑنا ہے۔مقامی افراد نے ایس سی او کی کوششوں کو سراہتے ہوئے کہا کہ بہتر انٹرنیٹ سروس کے باعث اب وہ اپنے ہی علاقے سے دنیا بھر سے رابطے میں رہ سکتے ہیں، جبکہ طلبہ اور اساتذہ کو تعلیمی سرگرمیوں میں واضح سہولت ملی ہے۔مقامی شہریوں کا کہنا ہے کہ فور جی سروس کی دستیابی ان کے لیے ایک اہم پیش رفت ہے جو علاقے میں ترقی اور جدید سہولیات کی فراہمی کی سمت ایک مثبت قدم ہے۔