اداکارہ نمرہ خان نے دوسری شادی کی تصدیق کر دی، نکاح کی تصاویر سامنے آگئیں

لاہور( شو بز ڈیسک)پاکستانی شوبز انڈسٹری کی معروف اداکارہ نمرہ خان نے اپنی دوسری شادی کی تصدیق کرتے ہوئے نکاح کی تصاویر انسٹاگرام پر شیئر کر دی ہیں، جس کے بعد مداحوں میں پھیلا ہوا تجسس ختم ہوگیا۔اس سے قبل اداکارہ نے اپنی شادی کی اطلاع دیتے ہوئے دلہے کا چہرہ ظاہر نہیں کیا تھا، جس کے باعث سوشل میڈیا پر ان کے شوہر کے حوالے سے مختلف قیاس آرائیاں جاری تھیں۔نمرہ خان نے لندن میں اپنی شادی کی تصاویر شیئر کی تھیں، جن میں ایفل ٹاور کے سامنے لی گئی یادگار جھلکیاں بھی شامل تھیں۔ انہوں نے اپنی پوسٹ میں اس نئے رشتے کو اللہ کی رحمت قرار دیتے ہوئے خوشی اور شکرگزاری کا اظہار کیا۔بعد ازاں انہوں نے نکاح کی مزید تصاویر شیئر کرتے ہوئے دلہے کا چہرہ بھی مداحوں کے سامنے ظاہر کر دیا، جس پر ان کے مداحوں اور شوبز شخصیات کی جانب سے نیک خواہشات اور مبارکبادوں کا سلسلہ شروع ہوگیا۔مداحوں نے جوڑے کے لیے نیک تمناؤں کا اظہار کرتے ہوئے ان کی خوشگوار ازدواجی زندگی کے لیے دعا کی ہے۔