غیر مسلم سے شادی کا تصور ممکن نہیں:اداکارہ ریم شیخ کا واضح مؤقف

ممبئی( شو بز ڈیسک)بھارتی اداکارہ ریم شیخ نے اپنی ذاتی زندگی، مذہبی وابستگی اور ازدواجی فیصلوں سے متعلق خیالات کا اظہار کرتے ہوئے واضح کیا ہے کہ وہ اپنے عقیدے سے ہم آہنگ شریکِ حیات کو ہی ترجیح دیتی ہیں۔ایک حالیہ پوڈکاسٹ میں گفتگو کے دوران جب ان سے سوال کیا گیا کہ اگر انہیں کسی دوسرے مذہب سے تعلق رکھنے والے شخص سے محبت ہو جائے تو کیا وہ اس رشتے کو قبول کریں گی، تو اداکارہ نے دوٹوک جواب دیتے ہوئے کہا کہ ان کے لیے ایسا ممکن نہیں۔ریم شیخ کے مطابق وہ اپنی مذہبی شناخت کو بہت اہمیت دیتی ہیں، باقاعدگی سے نماز ادا کرتی ہیں اور روزوں کی پابندی بھی کرتی ہیں، اسی لیے وہ ایسے شخص کے ساتھ زندگی گزارنے کا تصور نہیں رکھتیں جو ان کے عقیدے سے ہم آہنگ نہ ہو۔انہوں نے کہا کہ وہ اپنی زندگی کے ہر مشکل مرحلے میں اللہ سے رجوع کرتی ہیں اور اپنے شریکِ حیات کے انتخاب میں بھی روحانی ہم آہنگی کو بنیادی شرط سمجھتی ہیں۔