ایشائی اسٹاک مارکیٹس میں مثبت رجحان، اہم انڈیکسز میں اضافہ ریکارڈ

کراچی( کامرس ڈیسک)کاروباری ہفتے کے پہلے روز ایشیائی اسٹاک مارکیٹس میں مجموعی طور پر مثبت رجحان دیکھنے میں آیا ہے، جہاں بیشتر اہم مارکیٹس میں اضافہ ریکارڈ کیا گیا۔جاپان کے نکئی انڈیکس میں ایک اعشاریہ چھ فیصد اضافہ ہوا جبکہ جنوبی کوریا کے کاسپی انڈیکس میں دو اعشاریہ تین فیصد اضافہ دیکھا گیا۔اسی طرح تھائی لینڈ کی اسٹاک مارکیٹ میں ایک فیصد اضافہ ریکارڈ کیا گیا۔ چین کے شنگھائی انڈیکس میں صفر اعشاریہ پندرہ فیصد جبکہ ہانگ کانگ کے ہینگ سینگ انڈیکس میں صفر اعشاریہ پچیس فیصد اضافہ دیکھا گیا۔ماہرین کے مطابق عالمی سرمایہ کاروں کے اعتماد میں بہتری اور مارکیٹ میں نسبتاً استحکام کے باعث ایشیائی منڈیوں میں مثبت رجحان سامنے آیا ہے۔