سیال کینیڈا 2026 نمائش میں پاکستان پویلین کی بھرپور شرکت، غذائی برآمدات کے فروغ کی کوششیں میں اضا فہ

مونٹریال( کامرس ڈیسک) سیال کینیڈا 2026 فوڈ پروڈکٹس نمائش میں پاکستان پویلین نے نمایاں شرکت کرتے ہوئے ملکی غذائی مصنوعات کو بین الاقوامی سطح پر پیش کیا۔شمالی امریکا کی اس بڑی فوڈ اینڈ بیوریج نمائش میں پاکستان پویلین کا افتتاح ہائی کمشنر محمد سلیم نے کیا۔ اس موقع پر قونصل جنرل فیصل ابرو اور ٹریڈ اینڈ انویسٹمنٹ کونسلر الطمش جنجوعہ بھی موجود تھے۔پاکستان پویلین میں چھ نمایاں نمائش کنندگان نے شرکت کی، جنہوں نے اعلیٰ معیار اور متنوع پاکستانی غذائی مصنوعات پیش کیں، جنہیں شرکاء کی جانب سے خاصی دلچسپی سے دیکھا گیا۔ہائی کمشنر اور دیگر سفارتی حکام نے کینیڈین وفاقی اور کیوبیک حکومت کے نمائندوں سمیت نجی شعبے کے وفود کو پاکستان پویلین کے مختلف اسٹالز کا دورہ کرایا۔تین روزہ نمائش (29 اپریل تا یکم مئی 2026) میں پاکستان کی بھرپور شرکت کو کینیڈا میں غذائی مصنوعات کی برآمدات بڑھانے کی سنجیدہ کوشش قرار دیا جا رہا ہے۔یہ ایونٹ پاکستانی برآمد کنندگان کے لیے بین الاقوامی خریداروں اور ایگری فوڈ انڈسٹری کے اسٹیک ہولڈرز سے روابط قائم کرنے کا اہم پلیٹ فارم ثابت ہوا۔