اسٹیٹ بینک نے شرح سود میں اضافہ کر دیا، نئی شرح ساڑھے گیارہ فیصد مقرر

کراچی( کامرس ڈیسک) اسٹیٹ بینک آف پاکستان نے نئی مانیٹری پالیسی کا اعلان کرتے ہوئے ملک میں شرح سود میں اضافہ کر دیا ہے۔اعلامیے کے مطابق شرح سود کو 10 اعشاریہ 5 فیصد سے بڑھا کر 11 اعشاریہ 5 فیصد کر دیا گیا ہے، جس کا مقصد معاشی دباؤ اور مہنگائی کے رجحانات کو قابو میں رکھنا بتایا جا رہا ہے۔معاشی ماہرین کے مطابق حالیہ فیصلے کی بڑی وجہ عالمی سطح پر پیدا ہونے والی غیر یقینی صورتحال، مشرق وسطیٰ میں کشیدگی اور پیٹرولیم مصنوعات کی قیمتوں میں ممکنہ اضافہ ہے۔ماہرین کا کہنا ہے کہ شرح سود میں اضافے کا براہِ راست اثر مہنگائی پر پڑ سکتا ہے، کیونکہ ایندھن کی قیمتوں میں اضافہ روزمرہ استعمال کی اشیاء کی قیمتوں کو بھی متاثر کرتا ہے، جس سے عوام پر معاشی دباؤ بڑھنے کا خدشہ ہے۔