ایشین بیچ گیمز، پاکستانی پہلوانوں کی شاندار کارکردگی، تین تمغے حاصل کر لیے

سانیا( سپورٹس ڈیسک) چین کے شہر سانیا میں جاری ایشین بیچ گیمز کے دوران پاکستان کے پہلوانوں نے مختلف مقابلوں میں شاندار کارکردگی دکھائی تاہم فائنلز میں بعض کھلاڑیوں کو شکست کا سامنا کرنا پڑا۔90 کلوگرام کیٹیگری کے فائنل میں پاکستان کے انعام بٹ کو ایرانی پہلوان نے شکست دی، جس کے نتیجے میں وہ چاندی کا تمغہ حاصل کرنے میں کامیاب رہے۔اسی طرح 70 کلوگرام کیٹیگری میں کانسی کے تمغے کے مقابلے میں پاکستان کے محمد عبداللہ کو کرغزستان کے پہلوان کے ہاتھوں شکست ہوئی۔دوسری جانب ریسلنگ کے 80 کلوگرام کیٹیگری کے فائنل میں اسداللہ کو بھی ایرانی پہلوان کے خلاف شکست کا سامنا کرنا پڑا، تاہم انہوں نے چاندی کا تمغہ اپنے نام کیا۔مجموعی طور پر پاکستانی پہلوانوں نے ایونٹ میں نمایاں کارکردگی دکھائی اور ملک کے لیے ایک چاندی سمیت متعدد تمغے حاصل کیے۔