کولیجن کی کمی، جلد کی حفاظت کے اہم طریقے

 اسلام آباد( ہیلتھ ڈیسک)جلد کی صحت اور جوانی برقرار رکھنے کے لیے ماہرین نے بتایا ہے کہ 25 سال کی عمر کے بعد جسم میں کولیجن کی پیداوار ہر سال تقریباً ایک فیصد کم ہونا شروع ہو جاتی ہے، جو جلد کی مضبوطی اور لچک پر براہِ راست اثر ڈالتی ہے۔ماہرین کے مطابق سورج کی الٹرا وائلٹ شعاعیں کولیجن کو سب سے زیادہ نقصان پہنچاتی ہیں، اس لیے روزانہ کم از کم ایس پی ایف 30 سن اسکرین کا استعمال ضروری قرار دیا گیا ہے۔وٹامن سی کو کولیجن کی تیاری کے لیے بنیادی جز قرار دیا گیا ہے، جبکہ ترش پھل، سبزیاں اور وٹامن سی سیرم جلد کی چمک اور مضبوطی میں مدد دیتے ہیں۔پروٹین سے بھرپور غذا جیسے انڈے، مچھلی، چکن اور دالیں جلد کی ساخت کو بہتر بنانے میں اہم کردار ادا کرتی ہیں، جبکہ متوازن غذا کولیجن کی کمی کو کم کر سکتی ہے۔ریٹینول کو جلد کے خلیات کی تجدید اور کولیجن کی پیداوار بڑھانے میں مؤثر قرار دیا گیا ہے، تاہم اس کا استعمال احتیاط اور سن اسکرین کے ساتھ کرنے کی ہدایت کی گئی ہے۔ماہرین نے خبردار کیا ہے کہ زیادہ چینی کا استعمال کولیجن کے ریشوں کو نقصان پہنچاتا ہے، جس سے جلد کی لچک متاثر ہوتی ہے۔اس کے علاوہ روزانہ 7 سے 8 گھنٹے کی نیند، باقاعدہ ورزش اور مناسب پانی کا استعمال جلد کی صحت کے لیے ضروری قرار دیا گیا ہے۔ماہرین کے مطابق جلد کی جوانی برقرار رکھنا کسی ایک پروڈکٹ کا نہیں بلکہ روزمرہ کی صحت مند عادات کا نتیجہ ہے۔