بچوں میں ٹائپ ون ذیابیطس کے علاج کی نئی دوا زیلڈ کو امریکی منظوری مل گئی

 اسلام آباد( ہیلتھ ڈیسک) ادویہ ساز کمپنی سانوفی کی تیار کردہ دوا زیلڈ کو بچوں میں ٹائپ ون ذیابیطس کے علاج کے لیے امریکی ریگولیٹر فوڈ اینڈ ڈرگ ایڈمنسٹریشن کی منظوری حاصل ہو گئی ہے۔امریکی ریگولیٹر اس وقت اس دوا کے مزید استعمال کا بھی جائزہ لے رہا ہے تاکہ اسے آٹھ سال یا اس سے زائد عمر کے اُن بچوں کے لیے منظور کیا جا سکے جن میں سٹیج تین ٹائپ ون ذیابیطس کی حالیہ تشخیص ہوئی ہو، تاکہ بیماری کی پیش رفت کو سست یا روکا جا سکے۔کمپنی کو حال ہی میں اضافی بایولوجکس لائسنس کی بھی منظوری ملی ہے، جس کے تحت زیلڈ کو بچوں میں سٹیج تین ٹائپ ون ذیابیطس کے آغاز میں تاخیر کے لیے استعمال کیا جا سکے گا۔ماہرین کے مطابق یہ پیش رفت اس لحاظ سے اہم ہے کہ پہلی مرتبہ سٹیج دو ٹائپ ون ذیابیطس کے شکار بچوں کے لیے ایسی منظور شدہ تھراپی دستیاب ہوئی ہے جو بیماری کے پیچھے کارفرما خودکار مدافعتی نظام کو براہ راست ہدف بناتی ہے۔یہ منظوری پیٹائٹ ون ڈی ٹی ون ڈی کے فیز چار ایک سالہ ڈیٹا کی بنیاد پر دی گئی، جس میں آٹھ سال سے کم عمر بچوں پر دوا کی حفاظت اور اثرات کا تفصیلی جائزہ لیا گیا۔زیلڈ کو اس سے قبل برازیل، کینیڈا، چین، یورپی یونین، کویت، سعودی عرب، متحدہ عرب امارات اور برطانیہ میں بھی استعمال کی منظوری مل چکی ہے، جبکہ فوڈ اینڈ ڈرگ ایڈمنسٹریشن اسے پہلے ہی بریک تھرو تھراپی اور یتیم دوا کا درجہ دے چکی ہے۔