نیوزی لینڈ ویمن کرکٹ ٹیم کا ٹی ٹوئنٹی ورلڈ کپ کے لیے اعلان، ایمیلیا کر کپتان مقرر

نیوزی لینڈ ( سپورٹس ڈیسک)انٹرنیشنل کرکٹ کونسل ویمنز ٹی ٹوئنٹی ورلڈ کپ کے لیے نیوزی لینڈ ویمن کرکٹ ٹیم کا اعلان کر دیا گیا ہے، جس میں ایمیلیا کر کو پندرہ رکنی اسکواڈ کی قیادت سونپی گئی ہے۔نیوزی لینڈ کرکٹ کے مطابق صوفی ڈیوائین اور سوزی بیٹس بھی ٹیم کا حصہ ہوں گی۔ دونوں سینئر کھلاڑی اس ورلڈ کپ کے بعد بین الاقوامی کرکٹ سے ریٹائرمنٹ لے لیں گی۔ویمنز ٹی ٹوئنٹی ورلڈ کپ بارہ جون سے انگلینڈ میں شروع ہوگا، جس میں دنیا کی مختلف ٹیمیں حصہ لیں گی۔ورلڈ کپ سے قبل نیوزی لینڈ ویمن ٹیم انگلینڈ کے خلاف تین ٹی ٹوئنٹی میچز کی سیریز بھی کھیلے گی، جو عالمی ایونٹ کی تیاری کا حصہ ہوگی۔