عماد وسیم کی اہلیہ کے ساتھ ویڈیو پر سوشل میڈیا پر گرما گرم بحث

لاہور ( سپورٹس ڈیسک)پاکستان سپر لیگ کے دوران قومی ٹیم کے آل راؤنڈر عماد وسیم اور ان کی اہلیہ نائلہ راجہ کی ایک ویڈیو سوشل میڈیا پر وائرل ہونے کے بعد صارفین کی جانب سے مختلف ردِعمل سامنے آ رہا ہے۔ذرائع کے مطابق اسلام آباد یونائیٹڈ کی نمائندگی کرنے والے عماد وسیم کے ہمراہ میچ کے دوران ان کی اہلیہ بھی اسٹیڈیم میں موجود تھیں۔ وائرل ویڈیو میں دونوں کو خوشگوار موڈ میں گفتگو کرتے اور ایک دوسرے کا ہاتھ تھامے دیکھا جا سکتا ہے۔ویڈیو سامنے آنے کے بعد سوشل میڈیا پر ملا جلا ردِعمل دیکھنے میں آیا، تاہم زیادہ تر صارفین نے تنقیدی تبصرے کیے۔ بعض افراد نے اس معاملے کو ذاتی زندگی سے جوڑتے ہوئے تنقید کی، جبکہ دیگر نے اسے نجی معاملہ قرار دیتے ہوئے غیر ضروری بحث سے گریز کا مشورہ دیا۔تاحال اس معاملے پر عماد وسیم یا ان کی اہلیہ کی جانب سے کوئی باضابطہ بیان سامنے نہیں آیا، تاہم ویڈیو مختلف پلیٹ فارمز پر گردش کر رہی ہے اور اس پر بحث کا سلسلہ جاری ہے۔