ٹم پین کا پی ایس ایل تجربے کو یادگار قرار، ملتان سلطانز کے ساتھ سفر ختم

لاہور ( سپورٹس ڈیسک)سابق آسٹریلوی کپتان ٹم پین نے پاکستان سپر لیگ کے اپنے تجربے کو خوشگوار اور یادگار قرار دیا ہے۔ٹم پین نے پی ایس ایل 11 میں ملتان سلطانز کے ہیڈ کوچ کی ذمہ داریاں انجام دیں، تاہم ٹیم پہلے ایلیمنیٹر میں حیدرآباد کنگز مین سے شکست کے بعد ٹورنامنٹ سے باہر ہو گئی۔سوشل میڈیا پر جاری اپنے بیان میں ٹم پین نے کہا کہ ملتان سلطانز کے ساتھ ان کا پی ایس ایل کا سفر بدقسمتی سے اختتام پذیر ہوا، لیکن انہوں نے ٹیم کے ساتھ شاندار وقت گزارا اور بہترین لوگوں کے ساتھ کام کرنے کا موقع ملا۔انہوں نے مزید کہا کہ وہ پاکستان سپر لیگ کے تجربے سے مکمل طور پر لطف اندوز ہوئے ہیں۔واضح رہے کہ پہلے ایلیمنیٹر میں حیدرآباد کنگز مین نے ملتان سلطانز کو 8 وکٹوں سے شکست دے کر ایونٹ سے باہر کر دیا تھا۔