میںمرد کو مضبوط، فیصلہ کن اور ذمہ دار دیکھنا پسند کرتی ہوں:حنا طارق

کراچی( شو بز ڈیسک)اداکارہ حنا طارق نے ایک یوٹیوب پروگرام میں اپنے خیالات بیان کرتے ہوئے کہا ہے کہ وہ خود کو فیمنسٹ نہیں سمجھتیں اور ان کے مطابق یہ تصور ان کی نظر میں منفی پہلو رکھتا ہے۔انہوں نے مرد و خواتین کے کردار پر بات کرتے ہوئے کہا کہ وہ مرد کو مضبوط، فیصلہ کن اور ذمہ دار دیکھنا پسند کرتی ہیں، جبکہ وہ خود روایتی انداز میں خواتین کے لیے سہولت اور توجہ کو اہم سمجھتی ہیں۔ ان کے مطابق وہ چاہتی ہیں کہ مرد گھریلو اور مالی ذمہ داریوں میں پیش پیش ہو، جبکہ خواتین کو بھی وہ سہولتیں حاصل ہوں جو عام طور پر مرد فراہم کرتے ہیں۔اداکارہ کے یہ بیانات سوشل میڈیا پر بحث کا موضوع بن گئے ہیں اور مختلف حلقے اس پر اپنی رائے دے رہے ہیں۔