پریتی زنٹا کا ’’ٹرافی‘‘ والے تبصرے پر دو ٹوک جواب، سوشل میڈیا پر بحث گرم

ممبئی( شو بز ڈیسک)بالی وڈ اداکارہ پریتی زنٹا نے سوشل میڈیا پر خود کو ’’ٹرافی‘‘ کہے جانے والے تبصرے پر ردعمل دیتے ہوئے ایک واضح اور معنی خیز جواب دیا ہے جو وائرل ہو گیا ہے۔ایکس پر ایک صارف نے لکھا کہ آئی پی ایل میں پریتی زنٹا ٹرافی اس لیے نہیں جیت پاتیں کیونکہ وہ خود ایک ٹرافی ہیں۔اس تبصرے کے جواب میں اداکارہ نے کہا کہ کسی بھی عورت کو ٹرافی کہا جانا پسند نہیں آتا کیونکہ ٹرافی کسی کی ملکیت ہوتی ہے جبکہ عورت نہیں۔ انہوں نے کہا کہ ٹرافی کی جگہ الماری میں ہوتی ہے جبکہ عورت اپنی زندگی اور دل میں جگہ رکھتی ہے، یہی اس کی اصل حیثیت ہے۔پریتی زنٹا نے مزید لکھا کہ یہ فلمی سوال تھا اور اس کا جواب بھی فلمی انداز میں دیا گیا ہے۔دوسری جانب آئی پی ایل کے 40ویں میچ میں راجستھان رائلز نے پنجاب کنگز کو سنسنی خیز مقابلے کے بعد 6 وکٹوں سے شکست دے دی۔ یہ ٹورنامنٹ میں پنجاب کنگز کی پہلی شکست تھی، جبکہ راجستھان کی جانب سے فریرا نے شاندار بیٹنگ کرتے ہوئے 26 گیندوں پر ناقابل شکست 52 رنز بنائے۔