صحیفہ جبار کے نئے انداز پر سوشل میڈیا میں ہنگامہ، بولڈ لباس اور ہیئر اسٹائل پر شدید تنقید

کراچی( شو بز ڈیسک)پاکستانی شوبز انڈسٹری کی معروف ماڈل و اداکارہ صحیفہ جبار کو لاہور میں ایک تقریب کے دوران اپنے نئے انداز کے باعث سوشل میڈیا پر شدید تنقید کا سامنا کرنا پڑ رہا ہے۔اداکارہ تقریب میں مختصر اور جدید انداز کے ہیئر کٹ کے ساتھ شریک ہوئیں جبکہ ان کے مغربی طرز کے لباس نے بھی لوگوں کی توجہ حاصل کی۔ انہوں نے سفید رنگ کی شرٹ کے ساتھ مختصر اسکرٹ پہنا ہوا تھا۔تقریب میں ان کی اس طرزِ پیشکش پر سوشل میڈیا صارفین نے سخت ردعمل دیا اور مختلف آرا کا اظہار کیا۔ بعض صارفین نے ان کے انداز کو غیر مناسب قرار دیتے ہوئے کہا کہ ایسی تقاریب میں روایتی ماحول کا خیال رکھنا چاہیے۔ایک صارف نے تبصرہ کرتے ہوئے کہا کہ افسوس ہے کہ حدود و قیود کا خیال نہیں رکھا جاتا اور نہ ہی اس بارے میں کوئی رہنمائی موجود ہے۔اداکارہ کے اس انداز پر ہونے والی بحث سوشل میڈیا پر مسلسل جاری ہے اور اس حوالے سے مختلف طبقات کی آرا سامنے آ رہی ہیں۔